தமிழ் සිංහල English
Breaking News

சபாநாயகரின் முக்கிய அறிவிப்பு..!

மத்திய வங்கி ஊழலில் அரசியல்வாதிகளுக்கும் பணம் வழங்கப்பட்டுள்ளது எனவும், பணம் பெற்றுக் கொண்ட நாடாளுமன்ற உறுப்பினர்களின் பெயர் விபரம் நாடாளுமன்றத்தில் உள்ளது எனவும் கூறப்படும் தகவல்களின் எதுவித உண்மைத் தன்மையும் இல்லை என சபாநாயகர் கரு ஜயசூரிய தெரிவித்துள்ளார்.

நாட்டையே குழப்பத்தில் ஆழ்த்தியுள்ள அரசியல்வாதிகள் இலஞ்சம் வாங்கிய விவகாரம் தொடர்பாக இன்று (வியாழக்கிழமை) நாடாளுமன்றத்தில் கருத்து தெரிவித்த போதே அவர் இதனைக் கூறியுள்ளார்.

இந்த விடயம் தொடர்பாக அவர் மேலும் கருத்து தெரிவிக்கும் போது,

தற்போது எழுப்பப்பட்டு வரும் விமர்சனங்களின் காரணமாக நாடாளுமன்ற உறுப்பினர்களினதும், இலங்கையினதும் பெயருக்கு அவதூறு ஏற்பட்டுள்ளது. எனவே உண்மையற்ற விடயங்களை பரப்புவது நிறுத்தப்படல் வேண்டும்.

பணம் பெற்றுக் கொண்டவர்களின் பெயர் விபரங்கள் என்னிடம் வழங்கப்படவில்லை. இந்த விடயத்தில் தன்னிடம் உள்ள அறிக்கைகள் உட்பட அனைத்து விபரங்களையும் நாடு திரும்பியவுடன் ஜனாதிபதி செயலாளர் நாடாளுமன்றத்தில் சமர்ப்பிக்க வேண்டும்.

அதேபோன்று 25 நாடாளுமன்ற உறுப்பினர்களின் பாதுகாப்பு அதிகாரிகளிடம் விசாரணைகள் நடத்தியதாக தெரிவிக்கப்பட்டுவரும் செய்திகளில் எதுவித உண்மைத் தன்மையும் இல்லை என பொலிஸ் தரப்பு என்னிடம் தெரிவித்துள்ளது.

மத்திய வங்கி ஊழல் தொடர்பாக தகுந்த நடவடிக்கை எடுக்கப்படும் என பொலிஸார் நாடாளுமன்றத்திற்கு அறிவித்துள்ளனர். எனவே உண்மைக்கு புறம்பான ஆதாரமற்ற செய்திகளை பரப்ப வேண்டாம் எனவும் சபாநாயகர் மேலும் தெரிவித்துள்ளார்.

Comments

comments

Share this post:

Recent Posts

This site is protected by wp-copyrightpro.com