தமிழ் සිංහල English
Breaking News

காலா ரிலீஸ் : கர்நாடகா நீதிமன்றத்தை நாடிய தனுஷ்.!

ரஜினி நடித்துள்ள காலா படம் ஜூன் 7-ம் தேதி உலகம் முழுக்க ரிலீஸாகிறது. ஆனால் கர்நாடகா மாநிலத்தில் இப்படத்திற்கு தடை விதிக்கப்பட்டுள்ளது. காவிரி விவகாரத்தில் ரஜினி சொன்ன கருத்திற்கு எதிர்ப்பு தெரிவித்து இந்த தடை போடப்பட்டுள்ளது.

இந்நிலையில் இந்த விவகாரத்தை சட்ட ரீதியாக கொண்டு செல்கிறார் நடிகரும், காலா படத்தின் தயாரிப்பாளருமான தனுஷ். கர்நாடகாவில் காலா படம் வெளியாகும் திரையரங்குகளுக்கு பாதுகாப்பு வழங்க வேண்டும் என்று கோரி கர்நாடகா உயர்நீதிமன்றத்தில் தனுஷ், ஐஸ்வர்யா தனுஷ் உள்ளிட்டோர் சார்பில் தாக்கல் செய்யப்பட்டுள்ளது.

உடன் இந்த மனுவில் காலா படத்தை கர்நாடகாவில் திரையிடுவதற்கான நடவடிக்கைகளை எடுக்க, அம்மாநில உள்துறை செயலாளர், காவல்துறை தலைவர், பெங்களூரு காவல்துறை ஆணையர் ஆகியோருக்கு உத்தரவிட வேண்டும் எனவும் தனுஷ் கோரியுள்ளார்.

இந்த மனு நாளை விசாரணைக்கு வரும் என்று எதிர்பார்க்கப்படுகிறது.

Comments

comments

Share this post:

Recent Posts

This site is protected by wp-copyrightpro.com