தமிழ் සිංහල English
Breaking News

மலையகத்தின் பல பகுதிகளில் மண்சரிவு:வீடுகள் முற்றாக சரிந்த கொடூரம்!

ஹற்றன், பூல்பேங்க பகுதியிலுள்ள வீடொன்றின் மீது மண் மேடொன்று சரிந்து வீழ்ந்ததில் வீடு முற்றாக சேதமடைந்துள்ளது.

இந்தச் சம்பவம் நேற்று (திங்கட்கிழமை) இடம்பெற்றது. இதன்போது வீட்டில் எவரும் இருக்கவில்லையென தெரிவிக்கப்படுகின்றது.

மேலும் வீட்டின் உரிமையாளர் வெளிநாடு சென்றிருந்தமையே உயிராபத்து ஏற்படாமைக்கு காரணமென அப்பிரதேச மக்கள் குறிப்பிட்டுள்ளனர்.

இதேவேளை கொட்டகலை, லொக்கில் பகுதியிலுள்ள 12க்கும் மேற்பட்ட குடியிருப்புகளினுள் வெள்ளம் புகுந்துள்ளது.

இப்பகுதிகளில் நேற்றைய தினம் பெய்த கடும் மழை காரணமாக இந்த பகுதியின் ஊடாக ஓடும் மகாவலி ஆற்றின் கிளை ஆறான கொட்டகலை ஓயா பெருக்கெடுத்ததினாலேயே வீடுகளினுள் வெள்ளம் புகுந்துள்ளது.

குறித்த அனர்த்தத்தில் பாதிக்கப்பட்டவர்கள் உறவினர் வீடுகளில் தங்கியுள்ளதுடன் தற்போது வெள்ளம் வடிந்துள்ளதால் வீடுகளில் நிறைந்துள்ள நீர் மற்றும் சேற்றை அகற்றும் பணியில் பாதிக்கப்பட்டவர்கள் ஈடுப்பட்டு வருவதாகவும் தெரிவிக்கப்படுகின்றது.

இதேபோன்று கெசல்கமுவ ஓயா பெருக்கெடுத்ததனால் நோர்வூட் பிரதேசத்திலுள்ள 46 வீடுகளில் வெள்ள நீர் புகுந்துள்ளது.

இதில் பாதிக்கப்பட்ட 5 குடும்பங்களை சேர்ந்த 32 பேர் நோர்வூட் முஸ்லீம் பள்ளிவாசலில் தங்க வைக்கப்பட்டுள்ளனர்.

இதேவேளை, நுவரெலியா பிரதேசத்திற்குட்பட்ட 12 கிராம உத்தியோகத்தர் பிரிவில் 53 குடும்பங்களை சேர்ந்த 260 பேர் சீரற்ற காலநிலையால் பாதிக்கப்பட்டுள்ளதாக தெரிவிக்கப்படுகிறது.

இவர்களுக்கான உணவு, உடை மற்றும் தங்குமிட வசதிகள் யாவும் மேற்கொள்ளப்பட்டுள்ளதாக நுவரெலியா பிரதேச செயலகம் அறிவித்துள்ளது.

Comments

comments

Share this post:

Recent Posts

This site is protected by wp-copyrightpro.com